Itsasuko herriko etxeak bere mendiko bidetan ibiltzea ageri batez debekatzen du arratsalde erditik bihar goiz arte.
Eklipsa goratik ikusi nahiaren gatik hartua izan da egun erdia iraunen duen ageria.
Mendi auzoetako herritarrak ez dira hunkiak ageri hunen larderiaz. Herriko etxeak hartu duen ageriak neurriz atxiki nahi luke Artzamendi eta Mundarrain gainetarat hurbildu nahiko duen jendetza.
Ageriak aipatzen ditu bereziki sute arriskua, mendiko kabale eta inguramenaren nahasteko arriskuak, eta bide hertsi horietan ibilgailu gehiegik sortzen ahal dituen arriskuak.