Alai eta bero joan dira Itsasuko bestak / superbe édition 2024 des fêtes d’Itxassou
Herriko plazatik Latseko hauzorat, Atharriko ezker paretan gaindi, ahantzi ezinezko 6 egun besta joan dira itsasuarrentzat.
Milaka argazki geldituko da mogikorretan eta gogo bihotzetan.
Haietarik bakan batzu agertzen ditugu, belaunaldi guzien arteko elkarbizitzaren oihartzun :
- Ostirale eguerdiko bilkura herriko etxean 35 gaztekin
- Ostirale eta larunbat gauez Atharrin musika ta dantza, (larunbatekoan 2000 bestakidez gora)
- Larunbateko egunaz, kirol lehiaketak mendian, errekan eta jantegiko zelaian
- Igande eguerdiz etxetan apairuak eta Sanokin presoen bazkari jendetsua, aratsaldez herriko plazan herritarrak kantari, ondotik hegoaldeko dantza modernoa ikusgarri,
- Astelehena Latsen : pilota, musa, haur eta gazteen jostaldiak, ahots eta soinu frango gaueko epelean su artifizialek arkaitzak pizteraino
- Asteartean gaineko plazan iduzki minetan pilotariak izerdiz eta iluntzean Ataitzeko dantzari guziek ikusgarri loriagarria musika bikainarekin
- Asteazkenak usaiako zikiro besta 850 afaltiarrekin, familiako ala lagunarteko kuadrillak, gazte gordinak eta zahar zohituagoak, gora batzuek dantzariz hankak bezala bestek egarriz besoak !
- Elizaldeko plazatik agurtu dira 2024ko bestak, ondoko urtekoak are hobeak izateko menturan.
Ongi merezituak dituzten eskerrak Itsasuko gazteria guziari, dena ongi kudeatu dutelakotz girorik alaitsuenean. Eskerrak hamaika sailetan lan egin duten guziei herri hunen bihotzak atseginez eta taupada sendoz bizi bizia jarrai dezan !